Մարդու իրավունքների եվրոպական դատարանն այսօր իր երկրորդ վճիռն է կայացրել ադրբեջանցի ընդդիմադիր գործիչ, ՌԵԱԼ շարժման առաջնորդ Իլգար Մամեդովի գործով:
Մասնավորապես, Ստրասբուրգի դատարանը բավարարել է նրա դատավճռի դեմ բողոքը՝ ճանաչելով, որ նրա իրավունքները խախտվել են Մարդու իրավունքների եվրոպական կոնվենցիայի 6-րդ հոդվածի մասով (արդար դատական քննության իրավունք): Դատարանը պարտավորեցրել է Մամեդովին դրամական փոխհատուցում վճարել 10 հազար եվրոյի չափով:
Հիշեցնենք, ՌԵԱԼ-ի առաջնորդ Իլգար Մամեդովը ձերբակալվել է 2013թ հունվարին
Իսմայիլիա շրջանում անկարգություններ հրահրելու մեղադրանքով և դատապարտվել 7 տարվա ազատազրկման:
ՄԻԵԴ-ը նրա ձերբակալությունը որակել է որպես անհամաչափ և քաղաքական ենթատեքստ ունեցող՝ պարտավորեցնելով Ադրբեջանին անհապաղ ազատ արձակել նրան: Սակայն 2014թ. մայիսին ընդունված այդ որոշումը մինչ օրս կյանքի չի կոչվել:
2017թ. հոկտեմբերի 25-ին Եվրախորհրդի Նախարարների խորհուրդը պաշտոնապես տեղեկացրեց Ադրբեջանին, որ ՄԻԵԴ-ի վճիռը չկատարելու պատճառով իրավական գործընթաց է սկսում Ադրբեջանի դեմ, որի արդյունքում այդ երկրի նկատմամբ պատժամիջոցներ կարող են սահմանվել:
Պատրաստեց՝ Վիկտորյա ԱՆԴՐԵԱՍՅԱՆԸ
