Խաչիկ Ստամբոլցյանը՝ անդրադառնալով Ընտանեկան բռնության կանխարգելման վերաբերյալ օրենքի նախագծին, որը ներկայումս վերամշակման փուլում է և դեռ ԱԺ չի ներկայացվել՝ ասաց, թե երբ կա քրեական օրենսգիրք, պետք չէ տարանջատել ընտանեկան բռնությունը, փողոցային բռնությունը, աշխատանքային բռնությունը։ «Բռնությունը տեղով չի պայմանավորված։ Սա պարզապես հատուկ առիթ է, որ ընտանիքը դիտվի որպես բռնության վայր։ Սա ընտանիքի դեմ է։ Թող ոչ մի բան չփոխեն, այլ դեն շպրտեն»:
Խաչիկ Ստամբոլցյանը նշեց, որ իրենք ոչ մի պարագայում թույլ չեն տալու ո՛չ Ընտանեկան բռնության մասին օրենքի ընդունումը, ո՛չ էլ Քրեական նոր օրենսգրքի ընդունումը։ Պատրաստ են փողոց դուրս գալ, ակցիաներ իրականացնել։ «Մենք Սահմանադրությամբ երաշխավորված պայքարի բոլոր մեթոդներին կդիմենք։ Իսկ ծայրահեղ դեպքում կդիմեմ զինված պայքարի, որպեսզի թույլ չտամ, որ իմ ընտանիք ինչ-որ մեկը մտնի։ Եթե էդ օրենքը անցավ, նշանակում է՝ չկա պետություն, չկա ազգ, չկա ընտանիք, չկա ոչ մի բան»,- եզրափակեց Ստամբոլցյանը։
Սոնա Հարությունյան
Հոդվածն ամբողջությամբ կարող եք կարդալ «Ժամանակ» թերթի այսօրվա համարում
