Քիչ առաջ տարկետման վերացման դեմ պայքարի նախաձեռնության խմբի անդամներից Դավիթ Պետրոսյանը իր համացանցային էջում տեսանյութ է հրապարակել՝ տեղեկացրել, որ իրենք լավ են և առաջարկել է նստացույց անողներին դադարեցնել այն և գնալ տուն:
Դասադուլ անող ուսանողները պատրաստվում են նստացույց անել՝ այս գիշերը ԵՊՀ-ի դիմաց անցկացնելով: Այս մասին գրում է նախաձեռնության անդամներից Վահան Կոստանյանը ֆեյսբուքի իր էջում: Ուսանողները ԵՊՀ կիրառական մաթեմատիկայի ֆակուլտետի մասնաշենքի մոտ են:«Քնապարկեր կբերե՞ք դրսում գիշերողներին»,- գրել է Վահան Կոստանյանը:
Նախաձեռնության անդամ Դավիթ Պետրոսյանը, որը հացադուլ է հայտարարել մյուս անդամների հետ, տեսանյութ է հրապարակել, որում ասում է. «Ցանկանում եմ իմ ընկերներին կոչ անել, որ նստացույցը դադարեցնեն ու գնան տուն: Հացադուլի վրա մի կենտրոնացեք, զինվեք նոր մտքերով, գաղափարներով»:
