«Ելք» դաշինքը պատրաստվում է առաջիկայում՝ գարնանը ՏԻՄ ընտրություններում առաջադրել հնարավորինս շատ թեկնածուներ:
Այդ մասին այսօր ԱԺ հայտարարությունների ժամին ասաց խմբակցության պատգամավոր Լենա Նազարյանը:
Նա ասաց, որ այնպիսի թեկնածուներ են ունենալու, որոնք թաթախված չեն կոռուպցիայի եւ կաշառակերության մեջ, այնպիսի թեկնածուներ, որոնք տրտնջալու եւ բողոքելու փոխարեն պատրաստ են հստակ քայլեր անել եւ փոփոխություն բերել իրենց համայնքում: Բայց այդ թեկնածուները «Ելքը» դեռ չունի: Լենա Նազարյանի խոսքով՝ «Մենք այսօրվանից փնտրում ենք ձեզ»:
Նա ասաց, որ իրենց թեկնածուների հաղթանակի դեպքում պատրաստ են աջակցել նրանց նախաձեռնությունները եւ միասին պատասխանատվություն կրել խոստումների համար. «Հարգելի քաղաքացիներ, եթե դուք հոգնել եք ոչ մի գործ չանող ձեր քաղաքապետից կամ գյուղապետից, պասիվ ավագանուց, ապա եղեք «Ելք» դաշինքի թիմի անդամ, դարձեք «Ելք» դաշինքի թեկնածուն՝ առաջիկա ընտրություններում»:
Հռիփսիմե ՋԵԲԵՋՅԱՆ
