Freedom House միջազգային իրավապաշտպան կազմակերպությունը հրապարակել է «Համացանցի ազատություն 2017» վարկանիշային աղյուսակը, որում Հայաստանը 32 միավորով դասվել է մասնակի ազատ համացանց ունեցող երկրների ցանկը:
Ուշագրավ է, որ 2016թ. ինդեքսում Հայաստանը 30 միավորով համարվում էր ազատ համացանց ունեցող երկիր:
Զեկույցում նշվում է, 2016թ. Երևանում ՊՊԾ գնդի գրավումից հետո ֆեյսբուքյան օգտատերերը մեկ ժամ հասանելիություն չեն ունեցել սոցցանցին: Բացի այդ, նույն դեպքերին հաջորդած ցույցերի ընթացքում ոստիկանները բռնի ուժ են կիրառել ցույցերն առցանց հեռարձակող լրագրողների նկատմամբ: Նշվում է նաև, որ 2017թ. խորհրդարանական ընտրությունների ժամանակ ապատեղեկատվություն է տարածվել հատուկ համակարգվող հաշիվների կողմից:
Տարածաշրջանի երկրներից Վրաստանը 24 միավորով համարվել է ազատ համացանց ունեցող երկիր, Ադրբեջանը (58 միավոր), Ռուսաստանը (66) և Թուրքիան համալարել են ոչ ազատ համացանց ունեցող երկրների շարքը:
Պատրաստեց՝ Վիկտորյա ԱՆԴՐԵԱՍՅԱՆԸ
