Միզաքարային հիվանդության, ռեւմատիզմի դեպքում 2 ճաշի գդալ անտառային սոճու բողբոջներին ավելացնել 1 բաժակ եռման ջուր, եռացնել մարմանդ կրակի վրա 15 րոպե, թրմել 2 ժամ, քամել: Ընդունել 1 ճաշի գդալ՝ օրը 4 անգամ:
Լեղամուղ, միզամուղ, միզաքարային եւ լեղաքարային հիվանդությունների դեպքում 15 գրամ մանրացված ներկատու տորոնի կոճղարմատին ավելացնել 300 միլիլիտր եռման ջուր, թրմել ջրաբաղնիքի վրա 15 րոպե, սառեցնել սենյակային ջերմաստիճանում 45 րոպե, քամել: Ստացված ջրաթուրմի ծավալը տաք ջրով հասցնել սկզբնականին՝ 300 միլիլիտր: Ընդունել օրը 3-4 անգամ՝ 1/2 բաժակ՝ ուտելուց 30 րոպե առաջ:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
11.11.2017
