SHAMSHYAN.com-ի տեղեկություններով՝ Ոստիկանության Կենտրոնական բաժնի քրեական հետախուզության բաժանմունքի, ինչպես նաև Հայաստանի քննչական կոմիտեի Երևան քաղաքի քննչական վարչության Կենտրոն և Նորք Մարաշ քննչական բաժնի ծառայողները Ոստիկանության Շենգավիթի բաժնի աշխատակիցների հետ պարզել են, որ նոյեմբերի 8-ին Ոստիկանության Շենգավիթի բաժին ավազակային հարձակում կատարելու կասկածանքով բերման ենթարկված, Էջմիածին քաղաքի բնակիչ, 47-ամյա Սարգիս Հովհաննիսյանը կասկածվում է այս տարվա նոյեմբերի 2-ին Սարյան փողոցի 40 շենքի վերելակում դանակի սպառնալիքով 37-ամյա Ինգա Բաղդասարյանի նկատմամբ ավազակային հարձակում կատարելու մեջ:
Ինչպես հայտնում է ֆոտոլրագրող Գագիկ Շամշյանը, Հայաստանի քննչական կոմիտեի քննիչը դիմել է դատարան, որպեսզի կասկածյալ Ս. Հովհաննիսյանը կալանավորվի:
Դատարանը բավարարել է քննիչի միջնորդությունը և Ս. Հովհաննիսյանը երկամսյա կալանքի է վերցվել:
Ոստիկաններն ու քննիչները ունեն կասկածներ, որ հնարավոր է, որ նա այլ հանցանքներ գործած լինի և այդ ուղղությամբ կատարվում են օպերատիվ-հետախուզական և քննչական համատեղ միջոցառումներ:
Մանրամասներին կարող եք ծանոթանալ՝ «shamshyan.com»-ի կայքում:
