Մասիսի քաղաքապետարանում տեղեկություններ չունեն նախօրեին տեղի ունեցած արտառոց դեպքից, երբ Մասիսի 32-ամյա բնակիչը կնոջը ծեծելուց հետո նրան ստիպել էր ինքնասպանություն գործելու նպատակով ժավել խմել:
Քաղաքապետարանի աշխատակազմի քարտուղար Վարդան Գաբրիելյանը մեր հարցից հետո նախ փորձեց տեղեկություններ ճշտել դեպքի մասին, ավելի ուշ մեզ հետ զրույցում ասաց. «Իրավապահները զբաղվում են էլի, կհայտնաբերեն՝ այդ ամուսինը մի երկու բաժակի ազդեցության տա՞կ է եղել, ինչ է եղել, կճշտեն՝ ով է մեղավոր, ով՝ չէ: Մեր համայնքի շարքային բնակիչներ են, ես ավելին չեմ կարող ասել: Մինչեւ իրավապահների պատասխանը չլինի, ոչ մեկ չի կարող ասել, թե իրականում բռնությո՞ւն է եղել, թե՞՝ ընտանեկան մանր-մունր վեճ: Ես դեռ չեմ շտապում սա ընտանեկան բռնության դեպք որակել»:
Արփինե ՍԻՄՈՆՅԱՆ
