Աշնանը մեր օրգանիզմը դառնում է խոցելի: Այն ամրապնդելու համար հաճախ կարելի է լսել, որ պետք է ամրապնդել իմունային համակարգը, որը համարվում է մեր օրգանիզմի պաշտպանողական համակարգը:
Ցածր իմունային համակարգի պատճառներից է քնի պակասը, որի դեպքում տեղի են ունենում փոփոխություններ ցիտոկինի համակարգի վրա: Ցիտոկիններն իմունային ազդանշանային մոլեկուլներ են: Ցիտոկինի համակարգի փոփոխությունների արդյունքում իջնում է բջջային իմունիտետը, որն էլ իր հերթին թուլացնում է իմունային համակարգը:
Վիտամիններով եւ հանքանյութերով սնունդը համարվում է սննդարար եւ առողջ սնունդ: Սա համարվում է մեր օրգանիզմի իմունային համակարգը բարձրացնող կարեւորագույն հանգամանքներից մեկը, քանի որ վիտամինները եւ հանքանյութերն օրգանիզմում արտադրում են հակաօքսիդանտներ, որոնք էլ բարձրացնում են իմունային համակարգը:
Վիտամիններով եւ հանքանյութերով հարուստ մթերքներից է բուլղարական պղպեղը: Աշնանը իմունիտետը բարձրացնող մթերքներից են նաեւ սոխն ու սխտորը, իմբիրը, մեղրը, մասուրով թեյը, ցիտրուսային մրգերը: Ուստի օրգանիզմը ամուր եւ առողջ պահելու համար հետեւեք, որ այս մթերքները լինեն ձեր սննդակարգում:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
08.11.2017
