Արդյոք այս անգամ եւս ՀՀ-ն մեկ գիշերվա ընթացքում որոշում կփոխի՞ եւ կհետաձգի՞ կամ չի՞ ստորագրի Բրյուսելում նոյեմբերի 24-ին նախատեսված ԵՄ-ՀՀ խորը եւ համապարփակ համաձայնագրի ստորագրումը:
«Գիշերը՝ որպես այդպիսին, հզոր է, այսպես սկսեմ, սակայն եկեք այս անգամ պայծառ լույսի ներքո կանխատեսել, որ ամեն ինչ լավ կլինի: Ես, ճիշտն ասած, ունեմ այն զգացողությունը, որ ՀՀ-ն, ի դեմս այսօրվա իշխանությունների, այս փուլում ամեն ինչ անում են, որպեսզի այս պայմանագիրը ստորագրվի»,- «Ա1+»-ի հետ զրույցում ասաց «Ծառուկյան» խմբակցության պատգամավոր Արարատ Զուրաբյանը:
Արարատ Զուրաբյանը հավատում է իշխանությունների ջանքերին՝ վկայակոչելով նրանց ջանքերն ու աշխատանքը. «Մի բան ակնհայտ է՝ ամեն ինչի մասին, չէ, որ բարձրաձայնվում է, եւ միշտ չէ, որ բարձրաձայնվում է այն, ինչ առկա է: Թե հետագայում ընդունվող դեկլարացիայում ինչ կարող են պահի տակ ներմուծել այս կամ այն երկիրը, բնականաբար, միշտ էլ մտահոգիչ է: Կարծում եմ՝ ոչ հայանպաստ երեւույթ լինի, դա կարող է ստվերել կամ խոչընդոտել»:
Մանրամասներին կարող եք ծանոթանալ՝ «Ա1+»-ի կայքում:
