«Եվրոպական ինտեգրացիա» հ/կ փորձագետ Մանվել Ղումաշյանը ԵՄ եւ ՀՀ միջեւ համապարփակ եւ ընդլայնված գործընկերության համաձայնագրի ցանկացած կետում տնտեսական լուրջ հիմքեր է տեսնում:
«Ցանկացած կետ, որ կարդում ենք, հիմքում լավ տնտեսական հիմքեր ենք տեսնում: Եթե դիտարկենք զուտ այն խոչընդոտները, որոնք կարող են խանգարել, օրինակ՝ տեսականորեն ռուսական, ադրբեջանական կամ ԵՄ գործոնի հետ կապված, ապա այդ խոչընդոտները բավականին չնչին են»,- այսօր «Բլից ինֆո» ակումբում ասաց փորձագետը:
Նրա խոսքով, ԵՄ հետ համաձայնագիրը հնարավորությունների մեծ դաշտ է բացում. «Ամեն ինչ կախված է նրանից, թե որքանով մենք կօգտվենք դրանից, նկատի ունեմ ոչ միայն իշխանությունները, այլեւ՝ հանրությունը, որովհետեւ լավ չի լինի, եթե հանրությունը պասիվ լինի ու միայն ասի, թե այս կամ այն գերատեսչությունը զլանում է ինչ-որ բան անել»:
Հիշեցնենք, որ ԵՄ-Հայաստան համաձայնագրի ստորագրումը նախատեսված է ստորագրել Բրյուսելում նոյեմբերի 24-ին:
Արփինե ՍԻՄՈՆՅԱՆ
