Настоящее время-ի (Current Time) թղթակցին տված բացառիկ հարցազրույցում ադրբեջանցի հետաքննող լրագրող Խադիջա Իսմաիլովան անդրադարձել էԱլիևների ընտանիքի մասնակցությամբ աղմկահարույց կոռուպցիոն սկանդալի մանարամասներին:
Վերջին տասնամյակների ընթացքում արտաքուստ վերափոխված Բաքուն այցելուներին առաջին հայացքից արևմտյան քաղաք է հիշեցնում, որտեղ նկատելի է եվրաինտեգրման մարտահրավերները արագորեն հաղթահարելու ձգտումը:
Նմանատիպ շինությունները շատ են հատկապես Բաքվի կենտրոնական հատվածում, որտեղ որոշ փողոցների անվանումներն անգամ միայն անգլերենով են:
Այս ամենը, սակայն՝ զուտ արտաքուստ: Իրականում, Ադրբեջանը աշխարհի ամենակոռումպացված երկրների շարքում է, որտեղ բացակայում է խոսքի և մամուլի ազատությունն ու քննադատական մտքի ցանկացած դրսևորում պատժվում է ազատազրկմամբ:
Շարունակելով իր հոր`Հեյդար Ալիևի ավանդույթները, Իլհամը նույնպես նախընտրում է իր ընտանիքի անմիջական վերահսկողության տակ պահել իշխանության լծակներն ու գրեթե ամեն ինչ:
2016 թվականին անցկացված հանրաքվեից հետո Ադրբեջանում ավելացավ փոխնախագահի պաշտոնը, որը Իլհամ Ալիևը փոխանցեց իր կնոջը` Միհրիբան Ալիևային, իսկ նրանց ավագ դուստրը նշանակվեց Հեյդար Ալիևի անվան հիմնադրամի տնօրենի պաշտոնում:
«2008 թվականից սկսած`օտարերկրյա ներդրումների մեծ հոսքի շնորհիվ Ադրբեջան է մտել շուրջ 130 մլրդ. դոլար, սակայն ,անհասկանալի է, թե ուր են գնացել այդ գումարները», – ասում է հետաքննող լրագրող Խադիջա Իսմաիլովան:
Վահե Օհանյան
Նյութի մանրամասները կարդացեք «Ամերիկայի Ձայն»-ի կայքում
