Թել Ավիվում տեղի է ունեցել Հայաստանի արտաքին գործերի նախարարի և Իսրայելի վարչապետի հանդիպումը: Բենիամին Նեթանյահուն և Էդվարդ Նալբանդյանը քննարկել են երկկողմ գործակցության հեռանկարները: Իսրայելի վարչապետը հայտարարել է, որ պատրաստ են ընդլայնել Հայաստանի հետ կապերը, և դրանք ունեն բավականին մեծ ներուժ:
Ընդհանուր, գրեթե ստանդարտ դիվանագիտական ձևակերպումների ներքո հայ-իսրայելական վերջին շրջանի որոշակի ակտիվացում արձանագրող շփումները, ինչ խոսք, իսկապես կարևոր են: Մյուս կողմից, իհարկե, դրանք առայժմ հրապարակային մակարդակում ընդամենը արարողակարգային դիվանագիտության շրջանակում են, իսկ ոչ հրապարակային մակարդակում դեռևս տեսանելի չէ հայ-իսրայելական գործակցության, այսպես ասած, որակապես նոր մակարդակ: Մյուս կողմից՝ իհարկե, խոշոր հաշվով, տեղի է ունեցել երկու փոխայցելություն՝ ամռանը Հայաստան է այցելել Իսրայելի տարածաշրջանային գործակցության նախարարը, դա հուլիսի վերջին էր, իսկ այժմ Թել Ավիվ է մեկնում Հայաստանի արտաքին գործերի նախարարը: Աննախադեպը ահա այս դինամիկան է, ինչը մի կողմից անկասկած կարևոր է, մյուս կողմից՝ վկայում է, թե ինչպիսի աննախադեպ ցածր կամ պասիվ մակարդակ է եղել երկու երկրների հարաբերության մասով:
Կարևոր հարցն այստեղ այն է, թե արդյո՞ք Երևանն ու Թել Ավիվը պարզապես իրավիճակից ելնելով որոշել են լրացնել բացը, թե՞ կա շատ կոնկրետ խնդիր կամ բովանդակություն, որի շուրջ տեղի է ունենում երկկողմ շփումների ակտիվացումը: Նալբանդյանը Նեթանյահուին է փոխանցել Սերժ Սարգսյանի ողջույնները, ինչը հնարավոր է գնահատել որպես Իսրայելի տարածաշրջանային գործակցության նախարարի այցի ընթացքում փոքրիկ խնդրահարույց նրբերանգի, այսպես ասած, սպառում:
Մուսա Միքայելյան
Հոդվածն ամբողջությամբ կարող եք կարդալ «Ժամանակ» թերթի այսօրվա համարում
