Ւ գիտություն
Անդրադառնալով «Ոտքի՛ Հայաստան» ՔՇ. խորհրդի անդամ, քաղբանտարկյալ Անդրիաս Ղուկասյանի դեմ՝ Գեղամ Սահակյանի կողմից տրվող ակնհայտ և ուղղորդվող սուտ վկայություն տալուն, տեղեկացնում ենք. Գ. Սահակյանի հետ ծանոթացել ենք 2015թ.–ին «Ոտքի՛ Հայաստան» ՔՇ–ի կողմից կազմակերպած ակցիաների ժամանակ։ Գ. Սահակյանը ներկայացվել է, որպես «Հիմնադիր խորհրդարանի» համակիր և մոտ կանգնած մարդ։ Ի սկզբանե «Հիմնադիր խորհրդարանի» անդամների և այլոց կողմից զգուշացվել ենք Գեղամ Սահակյանի ռեժիմի գործակալ լինելու հնարավոր կամ արժանահավատ տարբերակի մասին, ինչի մասին ՀԽ անդամների կողմից հետագայում մամուլում եղել են բարձրաձայնումներ և մեղադրանքներ։
Ինչպես նաև տեղեկացված ենք եղել Գեղամ Սահակյանի անձնական կոնկրետ իրադարձություններից և իրողություններից, որոնց մասին հիմա չենք բարձրաձայնում։ Գ. Սահակյանը պարբերաբար ներկա է գտնվել «Ոտքի՛ Հայաստան» ՔՇ–ի ակցիաներին և երբևէ որևէ խոչընդոտի կամ վիրավորանքի չի արժանացել, այլ ստացել է չափավոր բարյացակամ վերաբերմունք։ Բոլորին է հայտնի, որ «Ոտքի՛ Հայաստան» ՔՇ–ն որդեգրել է բաց, թափանցիկ և խաղաղ գործունեության սկզբունքը և երբեք չի շեղվել այդ սկզբունքից։ Ուստի տարատեսակ գործակալների և աշխատակիցների ներկայությունը ակցիաների ժամանակ և խմբի շուրջ երբեք, որպես խոչընդոտ կամ խնդիր չեն դիտվել։
Գեղամ Սահակյանը եղել է մեկը շատերից, ում «Ոտքի՛ Հայաստան» ՔՇ–ն ընդունել է որպես ՀՀ քաղաքացի, հնարավոր գործակալ, և բնականաբար ընկերական սերտ հարաբերությունների ու վստահության մասին խոսք լինել չէր կարող։
Հորդորում ենք ռեժիմին՝ վերջ տալ շինծու մեղադրանքների և սուտ մատնության իր սկզբունքային գործելաոճին։ Դա մերժվում է, թե աշխարհիկ, և թե հոգևոր դասերում։ Ազատություն քաղբանտարկյալներին և Հայաստան աշխարհին…
«Ոտքի՛ Հայաստան» քաղաքացիական շարժման խորհուրդ
