Լոռու մարզի Ախթալա համայնքում երեկ տեղի ունեցած ՏԻՄ ընտրություններում հաղթեց Ճոճկանի համայնքապետ Արկադի Թամազյանը: Ախթալայի քաղաքապետի պաշտոնի համար պայքարում էին 3 թեկնածուներ՝ գործող քաղաքապետ Հայկազ Խաչիկյանը, ում թեկնածությունն առաջադրել էր ՀՀԿ-ն, ինքնաառաջադրված անկուսակցական Սուրեն Թամազյանը, որը Ախթալայի նախկին քաղաքապետն էր եւ Ճոճկանի համայնքապետը: Արկադի Թամազյանը Հանրապետական կուսակցության անդամ է, սակայն այս ընտրություններում ինքնաառաջադրվել էր:
Ախթալայում ընտրության իրավունք ուներ 5345 քաղաքացի, որից ընտրությանը մասնակցել է 3284-ը:
Այստեղ Արկադի Թամազյանի օգտին քվեարկել է 1550 ընտրող, Հայկազ Խաչիկյանի օգտին՝ 1374 ընտրող, իսկ Սուրեն Թամազյանը ստացել է 287 քվե:
Հիշեցնենք, որ այս ընտրությունների արդյունքում Ախթալա խոշորացվող համայնքին են միացել՝ Ախթալա, Առողջարանին կից, Բենդիկ, Ճոճկան, Մեծ Այրում, Նեղոց, Շամլուղ եւ Փոքր Այրում համայնքները:
Տաթեւիկ ՂԱԶԱՐՅԱՆ
