Aravot.am-ը իր ընթերցողներից հետաքրքրվել էր, թե ինչպես են վերաբերվում «Զինվորական ծառայության եւ զինծառայողի կարգավիճակի մասին» օրենքի նախագծին:
Հարցման մասնակիցներին առաջարկել էինք պատասխանի 5 տարբերակ՝ «վաղուց էր անհրաժեշտ ընդունել. բանակը ուսմանը չի կարող խանգարել», «զրկում է երիտասարդներին սովորելու հնարավորությունից», «ոչինչ չի փոխի. ով կարող է՝ փող կտա, բանակից կազատվի», «կնպաստի միայն արտագաղթին», «անհրաժեշտ է մեր հասարակությանը, եթե բոլոր խավերի համար հավասարապես գործի»:
Եվ այպես՝ հարցման մասնակիցների 9 տոկոսը պատասխանել է, որ իրենց կարծիքով՝ նախագիծը երիտասարդներին զրկում է սովորելու հնարավորությունից, 15 տոկոսը համարում է, որ այն բան չի փոխի. ով կարող է՝ փող կտա, բանակից կազատվի, եւս 15 տոկոսը կարծում է, որ այն կնպաստի միայն արտագաղթին: 21 տոկոսը կարծում է, որ վաղուց էր անհրաժեշտ ընդունել նման օրենք:
Իսկ հարցման մասնակիցների մեծամասնությունը՝ 40 տոկոսը, համարում է, որ նախագիծը անհրաժեշտ է հասարակությանը, եթե բոլոր խավերի համար հավասարապես գործի:
ԱՄԻ ՉԻՉԱԿՅԱՆ
