Վերջերս հարցում էինք ուղարկել ՀՀ կառավարությանն առընթեր քաղաքացիական ավիացիայի գլխավոր վարչություն՝ տեղեկանալու, թե ՔԱԳՎ տնօրինության տակ քանի ուղղաթիռ, քանի անձնական օգտագործման ուղղաթիռ կա, ում են պատկանում վերջիններս, եւ ում են պատկանում այն ուղղաթիռները, որոնցով հրդեհ են հանգցնում։
Հետաքրքրվել էինք նաեւ, թե ինչ պայմաններով են վարձակալության տալիս ուղղաթիռները եւ այլն։ Հարցերին ի պատասխան՝ ՔԱԳՎ- ից արձագանքել էին, որ իրենց տնօրինության տակ ուղղաթիռներ չկան։
Ինչ վերաբերում է անձնական օգտագործման ուղղաթիռներին, ապա ՔԱԳՎ-ից պատասխանել էին, որ ՀՀ օդանավերի պետական ռեգիստրում գրանցված ուղղաթիռներ առայժմ չկան։ «Ուղղաթիռով Հայաստանի տարածքում թռիչքներ իրականացնելու համար անհրաժեշտ է համապատասխան թույլտվություն՝ կախված չվերթի տեսակից (տե՛ս ՀՀ կառավարության 2015թ. օգոստոսի 6-ի N 966-Ն որոշումները եւ 2007թ. ապրիլի 11-ի N 56-Ն հրամանը)»,- հայտնել են ՔԱԳՎ-ից։ Միաժամանակ պատասխանել էին, որ այդ հարցը չի մտնում իրենց լիազորությունների մեջ։
Այսինքն՝ Քաղաքացիական ավիացիայի մի ամբողջ վարչություն ենք պահում, որի տնօրինության տակ ինքնաթիռներ, ուղղաթիռներ չկան, տոմսերի գներին ու վաճառքին որեւէ կերպ չեն առնչվում, «Զվարթնոց» օդանավակայանը մասնավոր է՝ դրա հետ էլ կապ չունեն։ Հարց է ծագում՝ ի՞նչ է անում ՔԱԳՎ-ն առհասարակ։
Թագուհի ՀԱԿՈԲՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
