Դատախազ. «Ինձ համար ընդունելի չէ այդ պիտակը կամ ձեւակերպումը, որ Լոռու մարզը համարվում է կրիմինալ տարածք». (Տեսանյութ)

Դեռ վաղուց Լոռին ձեռք է բերել «Կրիմինալ մարզ» անունը: Այսօր Լոռու մարզի դատախազ Արսեն Մարտիրոսյանից հետաքրքրվեցինք, թե ինքն ինչ կարծիք ունի, իսկապես Լոռին համարվում է կրիմինալ: Դատախազի կարծիքով, այդ որակումը չի համապատասխանում իրականությանը:

-Այն դեպքերը, որոնք արձանագրվում են Լոռու մարզի տարածքում, արձանագրվում են նաեւ Երեւան քաղաքում եւ այլ մարզերում: Հետևաբար` իմ համար ընդունելի չէ այդ պիտակը կամ ձեւակերպումը, որ Լոռու մարզը համարվում է կրիմինալ տարածք,- ասաց դատախազը:

Նրա խոսքով՝ կան ոլորտներ, որտեղ իրենք բացթողում ունեն, սակայն կան նաեւ այնպիսիները, որտեղ դրական տեղաշարժ են արձանագրել: Դատախազն ասում է, որ փորձում են այնպես անել, որպեսզի մարզում նվազեն հանցագործությունները:

Մանրամասները՝ տեսանյութում

Տաթեւիկ ՂԱԶԱՐՅԱՆ