ԵԽԽՎ Հայաստանի հարցով համազեկուցողներ Ջուզեպե Գալատին և Ալան Միլը նոյեմբերի 6-7-ը փաստահավաք այցով կայցելեն Հայաստան: Այս մասին ասվում է ԵԽԽՎ կայքում:
Քննարկումները հիմնականում կկենտրոնանան քաղաքական զարգացումների և ընթացող բարեփոխումների վրա, մասնավորապես սահմանադրական բարեփոխումների իրականացում, դատական անկախություն և կոռուպցայի դեմ պայքար, ինչպես նաև 2017թ. ընտրություններին հաջորդած ընտրական բարեփոխումներ:
Հայաստանում համազեկուցողները կհանդիպեն հանրապետության նախագահի, վարչապետի, Ազգային ժողովի նախագահի և արդարադատության նախարարի հետ: Հանդիպումներ են նախատեսվում նաև Ազգային ժողովում ներկայացված քաղաքական խմբակցությունների, ԵԽԽՎ հայկական պատվիրակության անդամների, մարդու իրավունքների պաշտպանների, քաղաքացիական հասարակության ներկայացուցիչների հետ:
Պատրաստեց՝ Վիկտորյա ԱՆԴՐԵԱՍՅԱՆԸ
