Դատավոր Իշխան Բարսեղյանի կողմից կաշառք պահանջելու եւ ստանալու գործով դատական նիստն այսօր տեղի չունեցով՝ մեղադրող դատախազի բացակայության պատճառով: Նիստի սկզբում նիստերի քարտուղարը հայտնեց, որ քիչ առաջ է մեղադրող դատախազը հայտնել, որ վատառողջ է և նիստին չի կարող մասնակցել:
Այսօր պետք է ցուցմունք տար ամբաստանյալ՝ կաշառք միջնորդելու համար մեղադրվող փաստաբան Էլզա Զաքարյանը:
Հաջորդ դատական նիստը նշանակվեց նոյեմբերի 9-ին:
Հիշեցնենք, որ Իշխան Բարսեղյանին մեղադրանք է առաջադրվել, որ նա 1999 թվականից զբաղեցնելով Երևան քաղաքի Շենգավիթ վարչական շրջանի ընդհանուր իրավասության դատարանի դատավորի պաշտոնը, հանդիսանալով դատական իշխանության մարմնի ղեկավար աշխատող և մշտապես իշխանության ներկայացուցչի գործառույթներ իրականացնող պաշտոնատար անձ՝ Նորիկ Հակոբյանի օգտին իր լիազորությունների շրջանակում գործողություններ կատարելու համար նրանից միջնորդի միջոցով պահանջել և անձամբ ստացել է խոշոր չափերով կաշառք:
Էլզա Զաքարյանին մեղադրանք է առաջադրվել, որ նա, կաշառք տվողի և կաշառք ստացողի միջև կաշառքի շուրջ համաձայնության գալուն և կայացած համաձայնության իրականացմանը նպաստելով` կատարել է կաշառքի միջնորդություն:
Արփինե ՍԻՄՈՆՅԱՆ
