Աննա Արեւշատյանին մեղադրանք է առաջադրվել այն բանի համար, որ նա 2017թ. հունիսի 9-ին կատարել է սուտ մատնություն այն մասին, որ 2009թ.-ից մինչեւ 2017թ. մայիս ամիսն ընկած ժամանակահատվածում Հովիկ Խեչյանն առանց աշխատավարձ վճարելու իրեն եւ ամուսնուն`Թաթուլ Մադաթյանին ներգրավել է հարկադիր աշխատանքների կատարման մեջ: Ա. Արեւշատյանին մեղադրանք է առաջադրվել ՀՀ քրեական օրենսգրքի 333 հոդվածի 2-րդ մասի 1-ին կետով («Սուտ մատնությունը, որը զուգորդվել է ծանր կամ առանձնապես ծանր հանցագործության մեջ մեղադրելով»): Սույն հոդվածը նախատեսում է առավելագույնը 5 տարի ժամկետով ազատազրկում: Կնոջ նկատմամբ խափանման միջոց է ընտրվել չհեռանալու մասին ստորագրությունը:
Ըստ «Դատալեքս» դատական տեղեկատվական համակարգի`սույն քրեական գործով դատավարությունը Տավուշի մարզի առաջին ատյանի դատարանի Դիլիջանի նստավայրում նշանակված է վաղը`նոյեմբերի 3-ին
Ոսկան ՍԱՐԳՍՅԱՆ
