Այսօր վարչապետ Կարեն Կարապետյանը կառավարության նիստին անդրադարձավ շինարարության ոլորտին եւ նշեց, որ Քաղաքաշինության կոմիտեի ուսումնասիրություններից պարզվել է, որ շինարարության ոլորտի վիճակագրական տվյալների հավաքագրման գործընթացում կան որոշակի խոչընդոտներ: Դրանք, ըստ վարչապետի, նվազեցնում են վիճակագրական տվյալների լիարժեքությունը, հատկապես մասնավոր կազմակերպությունների միջոցներով իրականացվող շինարարական ծավալների մասով:
Կարեն Կարապետյանը հանձնարարեց տարածքային կառավարման եւ զարգացման նախարարին, քաղաքաշինության կոմիտեի նախագահին եւ Ազգային վիճակագրական ծառայությանը երկշաբաթյա ժամկետում ամփոփել շինարարության ոլորտում առկա միտումներն ու զարգացումները և կառավարութան աշխատակազմ ներկայացնել առաջարկություններ դրանց արձանագրման թերությունների վերաբերյալ: Ըստ վարչապետի՝ այս հանձնարարությունը տրվում է, որպեսզի շինարարության ոլորտում վիճակագրության ամբողջականությունն ապահովվի եւ շինարարության ոլորտի իրական պատկեր ստացվի:
Նելլի ԲԱԲԱՅԱՆ
