Այսօր Գյումրիում պատասխանելով լրագրողներից մեկի այն հարցին, թե Հայաստանի պատմության թանգարանից ի՞նչ գույք են հանել վաճառքի, որի շուրջ մեծ աղմուկ է բարձրացել, մշակույթի նախարար Արմեն Ամիրյանն ասաց․«Էքսպոնատներ չեն վաճառվում, դրանք կոտրված-ջարդված սեղան, աթոռներ են՝ դեռևս 70-80-ական թվականներից մնացած, որոնք դուրս գրման ենթակա են, բայց ես կտրականապես դեմ եմ որևէ իր, ապրանք դուրս գրելուն, դրա համար դուրս են հանվել վաճառքի։
Որևէ էքսպոնատ որևէ թանգարանից չի կարող վաճառվել։ Դե գիտեք, երբեմն մարդիկ մեծ աղմուկ հանելու համար փորձում են խեղաթյուրել բառը, գրել էքսպոնատ, այնինչ այդ Էքսպոնատն ընդամենը կոտրված աթոռ է։ Այդ աղմուկ հանողներին կարող եմ նվիրել այդ սեղան, աթոռները, եթե կարող են օգտագործել»։
Նունե ԱՐԵՎՇԱՏՅԱՆ
