2018 թվականին Փհենչհանում կայանալիք 23-րդ ձմեռային օլիմպիական խաղերի կրակն այսօր հասել է Հարավային Կորեա: «Փհենչհան 2018»-ի կազմկոմիտեին կրակի փոխանցման հանդիսավոր արարողությունը կայացել է երեքշաբթի, Աթենքի «Պանատինաիկոս» ստադիոնում՝ վառման արարողությունից յոթ օր անց:
Այսօր ձմեռային օլիմպիական խաղերի մեկնարկից 100 օր առաջ օլիմպիական կրակը ինքնաթիռով վայրէջք է կատարել «Ինչհոնա» օդանավակայան: Հանդիսավոր պայմաններում ջահը ընդունել են օլիմպիական չեմպիոն, գեղասահորդ Կիմ Յու Նան եւ Հարավային Կորեայի սպորտի նախարար Դո Չոն Հվանը:
Հարյուր օրվա ընթացքում 7500 ջահակիրներ օլիմպիական կրակը Հարավային Կորեայի տարածքով կտանեն 17 քաղաքներով եւ մարզերով՝ հաղթահարելով խորհրդանշական 2018 կմ:
23-րդ ձմեռային օլիմպիական խաղերը կմեկնարկի փետրվարի 9-ին:
Աշոտ ՀԱԿՈԲՅԱՆ
