«Եթե մեզ նորից մերժեն`խոստանում ենք, ամբողջ Հայաստանի առեւտրականներին ոտքի հանել եւ երկրով մեկ բողոքի ակցիաներ կազմակերպել»,- այսօր «Տեսակետ» մամուլի ակումբում նման սպառնալիք հնչեցրեց «Համերաշխություն» հասարակական կազմակերպության նախագահ Արմեն Ներսիսյանը:
Հիշեցնենք, երեկ «Առինջ մոլի» եւ այլ տոնավաճառների առեւտրականները ԱԺ-ի մոտ բողոքի ցույց էին անում՝ ընդդեմ հարկային քաղաքականության: Նոր հարկային օրենսգիրքը ուժի մեջ է մտնում 2018 թվականի հունվարի 1-ից: Առեւտրականները պահանջում են, որ օրենսգիրքը ետ բերեն խորհրդարան եւ կատարեն իրենց ասած փոփոխությունները`կրճատեն փաստաթղթաշրջանառությունը: Նրանք հրաժարվում են պետության կողմից տրամադրվող անվճար հաշվապահներից`երկու պատճառով`չեն վստահում եւ հարցնում են`իսկ «մեր հաշվապահներն ի՞նչ անեն, արտագաղթե՞ն»:
Երեկ բողոքավորներին հանդիպել էին ՀՀԿ-ական պատգամավոր Մարգարիտ Եսայանը, «Ծառուկյան» խմբակցության պատգամավորները: Միքայել Մելքումյանը խոստացել է, որ նրանց պահանջները գրավոր կներկայացնի վարչապետին եւ ՊԵԿ նախագահին, կփորձի հասնել առեւտրականների համար ցանկալի արդյունքների:
Մանրամասները` տեսանյութում
Aravot.am-ի հարցին`խոսակցություններ կան, որ Գագիկ Ծառուկյանի կողմից են ուղղորդվում այս բողոքի ցույցերը, բանախոսները հակադարձեցին. «Սուտ է, նման բան չկա: Ուրեմն մենք էդքան խելք չունե՞նք, որ պիտի ուղղորդվենք»:
Մանրամասները` տեսանյութում
Նելլի ԳՐԻԳՈՐՅԱՆ
