Նախորդ տարվա համեմատ հարկային պարտավորություններն ավելացել են նաեւ գործարար Սամվել Ալեքսանյանին պատկանող որոշ ընկերություններում։
Խոսքը մասնավորապես «Ալեքս Հոլդինգի» մասին է։ Փոխարինելով նախկին «Ալեքս Գրիգին» եւ միավորելով գործարարին պատկանող բազմաթիվ ընկերություններ՝ տարեսկզբի ինը ամիսներին այն կատարել է շուրջ 16,2 մլրդ դրամի պարտավորություն։
Ասենք, որ նախորդ տարվա նույն ժամանակահատվածում «Ալեքս Գրիգը» վճարել էր 11,1 միլիարդ դրամ, իսկ ընթացիկ տարի կատարել է ընդամենը 567 մլն դրամի պարտավորություն։
Այս ցուցանիշները վկայում են, որ հերթական անգամ Ս.Ալեքսանյանը փոխում է այն ընկերությունը, որի միջոցով իրականացնում է իր հիմնական գործունեությունը։ Այդպիսի փոփոխությունները բնականաբար ինքնանպատակ չեն։ Նման ձեւով սովորաբար փորձ է արվում մաքրել նախկինում իրականացված տնտեսական գործունեությունը։
Ավելի քան կրկնապատկվել են թեթեւ արդյունաբերության ոլորտում գործող «Ալեքս տեքստիլ» ընկերության պարտավորությունները։ Թեեւ վճարած հարկերի մեծությամբ այն խոշորների ցանկում այնքան էլ առաջատար դիրքերում չէ։ «Ալեքս տեքստիլը» պետական բյուջե է փոխանցել 272 մլն դրամ։
Ավելի քան 1 միլիարդի հարկային պարտավորություն է կատարել Ս.Ալեքսանյանին պատկանող «Ս եւ Գ» ընկերությունը, որի վճարները նախորդ տարվա համեմատ կրճատվել են շուրջ 500 մլն դրամով։
Ս. ԲԵԳԼԱՐՅԱՆ
Հոդվածն ամբողջությամբ կարդացեք «Հայոց Աշխարհ» օրաթերթի այսօրվա համարում
