Որովայնի հատվածում կուտակվող ճարպից ազատվելու համար նախ պետք է հիշել, որ այն կարող է կապված լինել սիրտ-անոթային, արյան բարձր ճնշման, շաքարային դիաբետի եւ այլ հիվանդությունների հետ: Ուստի ցանկացած դիետա, կամ թեկուզ բեռնաթափում սկսելու համար, նախ պետք է իմանալ օրգանիզմի առողջական վիճակի եւ առանձնահատկությունների մասին:
Շատերը իրենց առողջ ապրելակերպի, գեղեցիկ կազմվածք ունենալու գրավականն են համարում օրգանիզմի բեռնաթափումը, բայց չպետք է մոռանալ, որ սխալ բեռնաթափումը նույնպես վտանգավոր է: Նախ պետք է սկսել աստիճանաբար եւ ամենակարեւորը՝ օրակարգի մեջ ջրի քանակը 2,5 լիտրից չպակասեցնել: Ըստ դիետոլոգների, բեռնաթափման ժամանակ նախ պետք է ուտել հաճախակի, բայց քիչ: Սննդակարգը պետք է բաղկացած լինի բանջարեղենից եւ մրգերից, իսկ ուտելուց հետո անհրաժեշտ է մնալ կիսասոված վիճակում, որպեսզի չծանրաբեռնել ստամոքսը:
Մասնագետները նշում են, որ շատ կարեւոր են նաեւ բեռնաթափման ժամանակ կալիումի, մագնեզիումի, կալցիումի օրեր նշանակելը, որոնք նշանակվում են այն մարդկանց, ովքեր տառապում են ինչ-ինչ հիվանդություններով, օրինակ, սրտանոթային հիվանդությունների ժամանակ կիրառվում են մագնեզիումի կամ կալիումի օրեր:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
31.10.2017
