Շենգավիթ վարչական շրջանի ընդհանուր իրավասության դատարանում 2016թ ոստիկանության ՊՊԾ գունդը գրաված եւ մի շարք ծանր հանցագործությունների մեջ մեղադրվող «Սասնա ծռեր» խմբի անդամներից Արամ Մանուկյանի, Հովհաննես Հարությունյանի, Թաթուլ Թամրազյանի, Արամ Հակոբյանի, Տիգրան Մանուկյանի, Արայիկ Հակոբյանի, Վարդան Գերավետյանի, Մարտիրոս Հակոբյանի, Սերգեյ Կյուրեղյանի, Գևորգ Իրիցյանի, Թորոս Թորոսյանի գործով դատական նիստում այսօր վերադառնալով խորհրդակցական սենյակից՝ դատավոր Արթուր Օհանյանը որոշեց մերժել ամբաստանյալներից Հովհաննես Հարությունյանի կալանքը վերացնելու միջնորդությունը:
Իսկ դա նշանակում է, որ Հարությունյանը շարունակելու է մնալ կալանքի տակ: Արթուր Օհանյանն այնուհետեւ որոշեց նիստը հետաձգել, քանի որ պաշտպաններից երեքը ներկա չէին:
Հիշեցնենք, որ «Սասնա ծռերի» գործը քննվում է երեք անջատ մասերով:
Լուիզա ՍՈՒՔԻԱՍՅԱՆ
