Բաքվում Ադրբեջանի նախագահ Իլհամ Ալիևն ընդունել է Թուրքիայի իր գործընկեր Ռեջեբ Թայիփ Էրդողանին: Ողջույնի պաշտոնական արարողությանը հաջորդել է առանձնազրույց: Այս մասին ասվում է Ադրբեջանի նախագահի մամուլի ծառայության պաշտոնական հաղորդագրության մեջ:
Հանդիպմանը կողմերը գոհունակություն են հայտնել տարբեր ոլորտներում երկկողմ բարեկամական և եղբայրական հարաբերությունների ընթացքից: Նախագահներն ընդգծել են Ռազմավարական համագործակցության խորհրդի 6-րդ նստաշրջանի կարևորությունը երկկողմ հարաբերությունների խորացման տեսանկյունից:
Նաև կարևորվել է երեկ բացված Բաքու-Թբիլիսի-Կարս երկաթուղու շահագործումը:
Զրույցի ընթացքում կարծիքներ են փոխանակվել նաև փոխադարձ հետաքրքրություն ներկայացնող հարցերի շուրջ:
Պատրաստեց Վիկտորյա ԱՆԴՐԵԱՍՅԱՆԸ
