Ինչպես հայտնի է, հոկտեմբերի 16-ին տեղի ունեցավ Հայաստանի եւ Ադրբեջանի նախագահների հանդիպումը Շվեյցարիայի Ժնեւ քաղաքում:
Aravot.am-ը իր ընթերցողներից հետաքրքրվել էր, թե որքանո՞վ են արդյունավետ Հայաստանի Հանրապետության եւ Ադրբեջանի նախագահների հանդիպումները:
Հարցման մասնակիցներին առաջարկել էինք պատասխանի երեք տարբերակ՝ «եթե արդյունավետ լինեին` ինչ-որ բանի հասած կլինեինք, եւ անընդհատ զոհեր չէին լինի», «արդյունավետ են գոնե այնքանով, որ լայնածավալ պատերազմ չի սկսվում», եւ «արդյունավետ լինեն-չլինեն, պետք է հանդիպեն»:
Եվ այսպես. հարցման մասնակիցների 16 տոկոսը համարում է, որ նախագահների հանդիպումները արդյունավետ են գոնե այնքանով, որ լայնածավալ պատերազմ չի սկսվում: Հարցվածների 42 տոկոսը պատասխանել է, որ եթե հանդիպումները արդյունավետ լինեին՝ ինչ-որ բանի հասած կլինեինք, եւ անընդհատ զոհեր չէին լինի, հավասարապես 42 տոկոսը համարում է, որ արդյունավետ լինեն-չլինեն, պետք է հանդիպեն:
ԱՄԻ ՉԻՉԱԿՅԱՆ
«Առավոտ»
28.10.2017
