«Առավոտը» համադրել է Հայաստանի եւ Ադրբեջանի նախագահների հանդիպումները եւ հայկական բանակի զոհերը 2008-2016 թվականների ընթացքում:
Հայկական բանակի զոհերի թվերը ընդգրկելուց օգտվել ենք Civilnet-ի առանձնացրած տվյալներից, ընտրել ենք մասնավորապես զինվորական դատախազության եւ պաշտպանության նախարարության թվերը:
Եվ այսպես՝ 2008 թվականին Սերժ Սարգսյանը եւ Իլհամ Ալիեւը հանդիպել են 2 անգամ` Սանկտ Պետերբուրգում եւ Մոսկվայում: Այդ տարի սահմանում զոհերի թիվը 71 է:
2009 թվականին նախագահները հանդիպել են 9 անգամ, իսկ հայկական բանակի զոհերի թիվը՝ 43:
2010 թվականին տեղի է ունեցել նախագահների 3 հանդիպում, հայկական բանակում գրանցվել է 54 զոհ:
2011 թվականին երկրների առաջնորդների 2 հանդիպում է եղել, իսկ սահմանում՝ 39 զոհ:
2012 թվականին, ինչպես նաեւ 2013-ին նախագահները հանդիպել են մեկական անգամ, իսկ հայկական բանակում 2012 թվականին եղել է 36, իսկ 2013-ին՝ 30 զոհ:
2014 թվականին Սարգսյանն ու Ալիեւը հանդիպել են երեք անգամ, իսկ հայկական բանակում գրանցվել է 44 զոհ:
2015 թվականին նախագահները մեկ անգամ են հանդիպել, իսկ սահմանում գրանցվել է 57 զոհ:
2016 թվականին տեղի է ունեցել Հայաստանի եւ Ադրբեջանի Հանրապետությունների նախագահների երկու հանդիպում՝ Վիեննայում եւ Սանկտ Պետերբուրգում: Իսկ սահմանում՝ 147 զոհ:
Եվ այսպես, 2008 թվականից սկսած Հայաստանի եւ Ադրբեջանի նախագահները հանդիպել են 24 անգամ, այդ ընթացքում հայկական բանակը ունեցել է 521 զոհ:
ԱՄԻ ՉԻՉԱԿՅԱՆ
«Առավոտ»
28.10.2017
