Օրերս հրապարակվեց Պոլսո պատրիարքի փոխանորդ Արամ արքեպիսկոպոս Աթեշյանի նամակը, որում ավետում է հայ ժողովրդից իր նեղացվածության մասին:
«Արեւմտահայոց Ազգային Համագումար» կազմակերպության ազգային խորհրդի անդամ Արագած Ախոյանն այսօր «Հայելի» ակումբում անդրադառնալով Արամ Աթեշյանի նամակին եւ սպասվող Պոլսո Հայոց 85-րդ պատրիարքի ընտրության ոդիսականին, կարծիք հայտնեց, որ Արամ Աթեշյանը ամեն ինչ անում է, որպեսզի տապալի Պոլսո պատրիարքի ընտրությունները: Բայց ինքը կարծում է, որ դա նրան չի հաջողվի: «Այնտեղ ամեն ինչ նախապատրաստած է, հանրային կարծիք է ձեւավորած`նա չի լինելու»,- ասաց Արագած Ախոյանը`հավելելով, որ այս առիթով մարդիկ իրենց կարծիքները պետք է բարձրաձայնեն, որպեսզի Աթեշյանը չմտածի թե բան է փոխվել:
Արագած Ախոյանը հիշում է`երկու ամիս առաջ, Պոլսի հայ համայնքի ղեկավարն իրեն ասել է. «Աթեշյանը մեզ այդպես էլ իր գիրկը չառավ»:
Պոլսո հայոց պատրիարքարանի շուրջ տեղի ունեցող վերջին տարիների զարգացումները Արագած Ախոյանը համարում է «քեմալիստական քաղաքականության շարունակությունը», բայց նկատում`էլի չի հաջողվելու:
Նելլի ԳՐԻԳՈՐՅԱՆ
