Երեւանի Կենտրոն եւ Նորք-Մարաշ վարչական շրջանների ընդհանուր իրավասության դատարանում զինված խմբի գործով դատական նիստն սկսելուց առաջ Վահան Շիրխանյանը նախ առաջարկեց մեկ րոպե լռությամբ հարգել հոկտեմբերի 27-ի զոհերի հիշատակը, ապա նաեւ նիստը հետաձգել՝ հաշվի առնելով, որ դատարանի դահլիճում գտնվողներից շատերը հոկտեմբերի 27-ին ԱԺ-ում իրականացված ահաբեկչության զոհերի մտերիմներն են՝ այդպիսով նրանց զոհերի շիրիմներին այցելելու հնարավորություն ընձեռել:
Սակայն առաջարկը չընդունվեց: Դատավոր Արմեն Բեկթաշյանն ասաց, որ այդ մարդիկ զոհերի հիշատակը կարող էին հարգել առավոտյան՝ նիստից առաջ, կամ դա կարող են անել օրվա երկրորդ կեսին՝ նիստից հետո:
Աշոտ ՀԱԿՈԲՅԱՆ
