Խորհրդարանում այսօր ՀՀԿ խմբակցության ղեկավար Վահրամ Բաղդասարյանից լրագրողները հետաքրքրվեցին, թե ինչ գնահատական կտա Սիսիանի քաղաքապետ Արթուր Սարգսյանի ծննդյան օրվան նվիրված միջոցառմանը, որի տեսանյութը հայտնվել է համացանցում: Երեւում է, որ համայնքապետարանի աշխատակիցները նրա նկարով շապիկներ են հագել:
«Ընտրությունից մի շաբաթ առաջ հիշեցի՞ն, որ նա ծնունդ է ունեցել, այն էլ՝ ապրիլին»,-վրդովվեց Վահրամ Բաղդասարյանը եւ խոստացավ երեւույթն ուսումնասիրել: «Բոլորս էլ ծնունդ ունենք: Իմ 15-ամյակը մեծ շուքով է տոնվել, նկարները որ հրապարակեմ՝ ինձ էլ կշահարկեն»,-հեգնեց նա:
ՀՀԿ խմբակցության ղեկավարը կարծում է, որ Սարգսյանի նկարով շապիկներ հագնելը ոչ թե պարտադրանք է եղել, այլ անակնկալ:
Լուիզա ՍՈՒՔԻԱՍՅԱՆ
