Ռուսական Rsport-ը, վկայակոչելով Ծանրամարտի միջազգային ֆեդերացիայի կայքը, գրում է, որ ինը երկրների ծանրամարտի ֆեդերացիաների, այդ թվում՝ նաեւ Հայաստանի, մեկ տարով որակազրկումը ուժի մեջ մտել է հոկտեմբերի 20-ից: «IWF-ում բոլորն էլ հասկանում են, որ այդ ինը երկրներում առկա խնդիրներն ազգային մարզական մշակույթում փոփոխությունների անհրաժեշտություն ունեն: Այդ ֆեդերացիաներից մի քանիսում ղեկավարության փոփոխություններ են կատարվել: Մենք ողջունում ենք այդ փոփոխությունները, քանի որ դրանք կնպաստեն, որպեսզի այդ ֆեդերացիաները համապատասխանեն «մաքուր» սպորտի պահանջներին», – ասել է IWF նախագահ Թամաշ Այանը:
Անկախ մոնիթորինգային խումբը որակազրկման ժամանակաընթացքում յուրաքանչյուր ֆեդերացիայում գնահատելու է պահանջների կատարումը: Խումբը կարող է ֆեդերացիաների իրավունքները մասնակի վերականգնելու մասնակի որոշում կայացնել՝ IWF-ի միջոցառումներին մասնակցել կարողանալու համար:
Աշոտ ՀԱԿՈԲՅԱՆ
