Ինչպես հայտնի է, աջ ղեկով մեքենաներ շահագործելու որոշման նախագիծը դրվել է քննարկման: Aravot.am-ը իր ընթերցողներից հետաքրքրվեց, թե ինչպես են վերաբերվում աջ ղեկով մեքենաների շահագործման հնարավոր արգելքին:
Հարցման մասնակիցներին առաջարկել էինք պատասխանի 3 տարբերակ՝ «վաղուց պետք է արգելեին, աջ ղեկով մեքենաները խանգարում են երթեւեկությանը», «անընդունելի է, նոր ծախսեր ու անհարմարություններ է պատճառելու», եւ «ինձ համար միեւնույն է»:
Եվ այսպես, հարցման մասնակիցների 28 տոկոսը պատասխանել է, որ իր համար միեւնույն է, 29 տոկոսը կարծում է, որ վաղուց պետք է աջ ղեկով մեքենաների շահագործումը արգելեին. դրանք խանգարում են երթեւեկությանը: Իսկ հարցման մասնակիցների մեծամասնությունը՝ 43 տոկոսը, անընդունելի է համարում նման արգելքը. նոր ծախսեր եւ անհարմարություններ է պատճառելու:
ԱՄԻ ՉԻՉԱԿՅԱՆ
«Առավոտ»
21.10.2017
