Եվրոպական պառլամենտի նախագահ Անտոնիո Տայանին գտնում է, որ ոչ մի եվրոպական երկիր չի ճանաչում Կատալոնիայի անկախությունը: Այս մասին գրում է Tass-ը՝ նշելով, որ այդ կարծիքն արտահայտել է Անտոնիո Տայանին Ֆլորենցիայում կայացած խորհրդաժողովում:
«Այն պետք է հստակ լինի բոլորի համար: Ոչ մի եվրոպական երկիր չի ճանաչում Կատալոնիայի անկախությունը», – Տայանիի խոսքը մեջբերել է ANSA գործակալությունը:
La Razon թերթը հաղորդել է, որ Կատալոնիայի խորհրդարանը հոկտեմբերի 27-ին կարող է հայտարարել տարածաշրջանի անկախության մասին: Կատալոնյան իշխանությունները այդ քայլին գնացին այն բանից հետո, երբ վարչապետ Մարիանո Ռահոյը հայտարարել էր, որ ինքը կկիրառի Սահմանադրության 155-րդ հոդվածը, որը նախկինում երբեւէ չի կիրառվել:
Համապատասխան հոդվածի համաձայն Մադրիդը ցանկանում է ազատել կատալոնական կառավարության անդամներին պաշտոնից: Բացի այդ, թագավորության իշխանությունները ցանկանում են ինքնավար ընտրություններ անցկացնել ոչ ուշ, քան վեց ամիս:
Իսպանիայի խորհրդարանի վերին պալատը պետք է հավանության արժանացնի հոկտեմբերի 27-ին կառավարության առաջարկությունը:
Նշենք, որ հոկտեմբերի 1-ին տարածաշրջանում քվեարկվել է արքայությունից դուրս գալու հարցը, որին մասնակցել է քվեարկության իրավունք ունեցող 5.31 միլիոն կատալոնացիների 2.28-ը: Մասնակիցների 90.18 տոկոսը արտահայտվել է անկախանալու վերաբերյալ, որը Մադրիդը համարեց անօրինական եւ հրաժարվեց ճանաչել քվեարկության արդյունքները:
Անուշ ՄԱԹԵՎՈՍՅԱՆ
