Արդեն երկու օր՝ հոկտեմբերի 20-ին և 21-ին Կարապի լճում իրենց ապրանքատեսակներն են ներկայացնում հայաստանյան և արտասահմանյան 50 բրենդ: 39 տաղավարներում ցուցադրված են ամենատարբեր թեյերն ու սուրճերը՝ հայկական դեղաբույսերից, օրգանական սուրճերից մինչև իտալական էքսպրեսո և ֆինլանդական սուրճ: Անցորդներին հնարավորություն էր տրվում տեղում համտեսելու իրենց նախընտրած սուրճն ու թեյը , ինչպես նաև ցանկության դեպքում գնելու այն։ Թեյից ու սուրճից բացի անցորդներին հյուրասիրում էին նաև քաղցրավենիք և շոկոլադ:
Տաղավարներից մեկում ներկայացված էր հալվեի յուղ: Ներկայացուցիչները հենց տեղում հալվեյի տերևներից պատրաստում էին գել և տալիս անցորդներին։Ոչ միայն պարզապես թեյախմություն էր այլ նաև ապրանքատեսակների ներկայացում, տարբեր երկրների թեյերի ու սուրճերի պատրաստման առանձնահատկությունների ներկայացում, ինչպես նաև դեղաբույսերի ու տարատեսակ խոտաբույսերի ծանոթացում։
Փառատոնի հովանավորն էր «Սլավա գրուպ» կազմակերպությունը: Երեւանցիների եւ զբոսաշրջիկների խոսքերով փառատոնը լավ էր կազմակերպված, տեսականին բազմազան էր և փորձելու հնարավորությունը թույլ էր տալիս ավելի լավ կողմնորոշվելու ընտրության հարցում: Շատերը ցանկություն հայտնեցին փառատոնը տեսնել ամենամյա միջոցառումների շարքում:
Կարինե ԿԻՐԱԿՈՍՅԱՆ
