Այսօր Էներգետիկ ենթակառուցվածքների եւ բնական պաշարների նախարար Աշոտ Մանուկյանն անդրադառնալով էլեկտրաէներգիայի սակագնի վերանայմանն, ասաց, որ էլեկտրաէներգիայի սակագնի բարձրացման համար նախապայմաններ չի տեսնում:
Իսկ արդյոք հնարավոր է նվազեցվի էլեկտրաէներգիայի սակագինը, հաշվի առնելով, որ մի շարք ծրագրեր են իրականացվում էներգիայի արտադրության ծավալները բարձրացնելու ուղղությամբ: Այս հարցին ի պատասխան նախարարը ներկայացրեց, թե որ կայաններից որքան են էլեկտրաէներգիա գնում, իսկ ամենաէժանը Մեծամորի ատոմակայանի արտադրանք է. «Արդեն սկսել ենք ՀԱԷԿ-ի 2-րդ էներգաբլոկի արդիականացման աշխատանքները եւ շահագործման ժամկետի երկարացման ծրագրերը, որը ենթադրում է 2018-ին ատոմակայանի աշխատանքների կանգառ 6 ամսով, իսկ 2019 թվին՝ 6 ամիս 15 օր ժամկետով: Սա նշանակում է 2018-19 թվականներին մենք կունենանք սակագնի վրա հսկայական ճնշում»: Սա, ըստ նախարարի, նշանակում է, որ առաջիկա 2 տարում էլեկտրաէներգիայի սակագնի նվազեցում չի լինի:
Մանրամասն՝ տեսանյութում
Նելլի ԲԱԲԱՅԱՆ
