Այսօր Գյումրու Ռուսթավելու անվան փողոցի բացմանը մասնակցող Կարեն Կարապետյանից լրագրողները հետաքրքրվեցին, թե ինչպե՞ս կմեկնաբանի մի շարք ապրանքատեսակների թանկացումը, ինչպե՞ս են ապրելու ՀՀ շարքային քաղաքացիները։
«Նախ և առաջ թանկացումներն այնքան շատ չեն, ինչպես որ ներկայացնում են՝ կարագն է, բենզինն է, մսամթերքն է՝ 10 տոկոս և ձուկը, բայց շատ ապրանքներ կան, որոնք էժանացել են։ Ինչ վերաբերում է արտաքին շուկային, օրինակ՝ կարագը մեկ տարվա մեջ 50 տոկոս է թանկացել այն դեպքում, երբ որ միջազգային շուկայում 87 տոկոս է թանկացել։ Մենք ի՞նչ պետք է անենք, ինչպե՞ս արձագանքեն։ Մենք չենք կարող այդ գները զսպել։ Այլ խնդիր է, որ մենք բարենպաստ պայմաններ ստեղծենք, որպեսզի մեր քաղաքացին կարողանա թանկացումներին դիմակայել։ Այդ ամեն ինչին համբերատար պետք է վերաբերվել»,- խորհուրդ տվեց վարչապետը։ Նա նաև թվարկեց այն ապրանքատեսակները, որոնց գները նվազել են՝ ձեթն է, հնդկաձավարը ու բրինձը։
Նունե ԱՐԵՎՇԱՏՅԱՆ
