Վերաքննիչ քրեական դատարանում այսօր «Սասնա ծռերի» գործով ամբաստանյալ Կարո Եղնուկյանի փաստաբան Տիգրան Հայրապետյանի բերած բողոքի քննությունն՝ ընդդեմ նախաքննական մարմնի կրկին հետաձգվեց՝ Կարո Եղնուկյանի ներկա չլինելու պատճառով: Հաջորդ դատական նիստը նշանակվեց հոկտեմբերի քսանին:
Փաստաբան Հայրապետյանն ասաց, որ Եղնուկյանին ուղարկված ծանուցուցումը տեղ չէր հասել:
Հիշեցնենք, որ Կարո Եղնուկյանը մեղադրվում է Երևանում պարեկապահակային ծառայության (ՊՊԾ) գնդի տարածքը գրաված «Սասնա Ծռերին» օժանդակելու համար, եւ ըստ առաջին ատյանի դատարանի որոշման, նրան կարող են տեսակցել ընտանիքի անդամներից միայն կրտսեր դուստրն ու տարեց մայրը:
Կարո Եղնուկյանի փաստաբանը վերաքննիչ դատարանից պահանջում է վերացնել առաջին ատյանի դատարանի այդ որոշումը և տեսակցելու ու հաղորդակցվելու հնարավորություն տալ նաև ընտանիքի մյուս անդամներին:
Արփինե ՍԻՄՈՆՅԱՆ
