Ինչպես ավելի վաղ հայտնել էինք, Էրեբունի եւ Նուբարաշեն վարչական շրջանների ընդհանուր իրավասության դատարանում այսօր 2016թ. հուլիսի 29-ին զանգվածային անկարգություններ կազմակերպելու եւ ոստիկանության ՊՊԾ գունդը գրաված ու մի շարք ծանր հանցագործությունների մեջ մեղադրվող «Սասնա ծռեր» զինված խմբին օժանդակելու մեջ մեղադրվող քաղաքական գործիչ Անդրիաս Ղուկասյանի գործով հերթական դատական նիստի ժամանակ դատավոր Վարդան Գրիգորյանի ինքնաբացարկի միջնորդություն ներկայացվեց՝ Ղուկասյանի շահերի պաշտպան, փաստաբան Կարեն Մեժլումյանի կողմից:
Մոտ երկու ժամ մնալով խորհրդակցական սենյակում՝ դատավոր Վարդան Գրիգորյանը հրապարակեց դատարանի որոշումը, այն է՝ մերժում: Իսկ դա նշանակում է, որ գործը շարունակելու է քննել Վարդան Գրիգորյանը:
Այնուհետեւ այս գործով մեղադրող-դատախազ Պետրոս Պետրոսյանը ներկայացրեց լրատվամիջոցների կողմից վկաների հարցաքննության տեսանկարահանումն արգելելու մասին միջնորդություն, որի առնչությամբ դատարանի որոշումը կհրապարակվի հաջորդ նիստում՝ հոկտեմբերի 31-ին: Այդ օրը նախատեսված է վկա-ոստիկանների հարցաքննություն:
Լուիզա ՍՈՒՔԻԱՍՅԱՆ
