Բուխարեստում հոկտեմբերի 6-9 կայացած ՆԱՏՕ-ի ԽՎ վեհաժողովի ժամանակ մի շարք եվրոպական երկրների պատվիրակներ մտահոգություններ են հնչեցրել եւ անհամաձայնություն են հայտնել Թուրքիայի կողմից ՌԴ-ից C 400 համակարգերի ձեռք բերման հետ կապված:
Հիշեցնենք, որ Թուրքիան ՆԱՏՕ-ի անդամ պետություն է:
«Երբ այս հարցը ուղղվեց նաեւ ՆԱՏՕ-ի գլխավոր քարտուղար պարոն Ստոլտենբերգին, նրա պատասխանը բավականին չափավոր էր։ Նա նկատեց, որ յուրաքանչյուր անդամ պետություն ինքն է որոշում ինչպիսի լրացուցիչ միջոցներ պետք է ձեռք բերել։ Իհարկե, կար որոշակի դիտարկում այն մասին, որ C 400 համակարգերը չեն ընդգրկվում ՆԱՏՕ-ի հակաօդային եւ հակահրթիռային պաշտպանության համակարգերի մեջ, բայց չկար խորը քննադատություն կապված այդ համակարգերի ձեռքբերման հետ»,- այսօր հրավիրված ասուլիսում մանրամասնեց ՀՀ ԱԺ պաշտպանության և անվտանգության մշտական հանձնաժողովի նախագահ Կորյուն Նահապետյանը։
Մանրամասները`տեսանյութում
Վեհաժողովում անդրադարձ է եղել նաեւ Իրաքյան Քուրդիստանի հանրաքվեին: Կողմերը բավական զուսպ են արտահայտվել`ձեռնպահ մնալով լարվածության գրգռումից եւ բախման նոր օջախ ունենալուց:
Նելլի ԳՐԻԳՈՐՅԱՆ
