ՄԱԿ-ի գլխավոր քարտուղար Անտոնիու Գուտերրեշը ողջունել է Հայաստանի և Ադրբեջանի նախագահների հանդիպումը՝ ուղղված Արցախի հակամարտության կարգավորմանը, գրում է «ՌԻԱ Նովոստին»:
ՄԱԿ-ի գլխավոր քարտուղարի պաշտոնական ներկայացուցիչ Ստեֆան Դյուժարիկը հայտնել է, որ Գուտերրեշը «ողջունում է Ժնևում բարձր մակարդակով անցկացված հանդիպումը»: «Նա ոգևորված է, որ նախագահները համաձայնել են միջոցներ ձեռնարկել բանակցային գործընթացի ակտիվացման ուղղությամբ և պայմանավորվել լրացուցիչ քայլեր ձեռնարկել շփման գծում լարվածությունը թուլացնելու համար»,- ասվում է Դյուժարիկի հայտարարության մեջ:
Գուտերրեշն ընդգծել է, որ ՄԱԿ-ն աջակցում է ԵԱՀԿ Մինսկի խմբի համանախագահների միջնորդական ջանքերին և կոչ է արել կողմերին, հիմնվելով գագաթնաժողովի դրական խթանի վրա, հաջողության հասնել բանակցություններում:
Հիշեցնենք, երեկ Ժնևում տեղի է ունեցել Հայաստանի և Ադրբեջանի նախագահների հանդիպումը:
Պատրաստեց՝ Վիկտորյա ԱՆԴՐԵԱՍՅԱՆԸ
