ՀՀ սպորտի եւ երիտասարդության հարցերի նախարարության կազմակերպած «Կյանքը սպորտի ռիթմով» մասսայական անվճար մարզումներին արդեն տարուց ավելի է՝ մասնակցում են տարբեր տարիքային խմբերի ու սեռի մեր համաքաղաքացիներ: Նրանց մեջ կան թե արդեն փորձառուներ, թե սկսնակներ:
Այսօր մարզումներին հետեւելու էր եկել օլիմպիական խաղերի, աշխարհի ու Եվրոպայի չեմպիոն, հունահռոմեական ոճի ըմբիշ Արթուր Ալեքսանյանը: Անվանի մարզիկն այս անգամ հետեւում էր Մարզահամերգային համալիրի հարակից տարածքում մարզվողներին: Արթուրը նրանց հետ չմարզվեց, բայց ողջունեց նախաձեռնությունը:
«Հիանալի գաղափար է: Շատ կարեւոր է, որ մարդիկ շաբաթը մեկ կամ երկու անգամ մարզվեն, առողջ լինեն: Այսօր դիտորդի կարգավիճակում եմ, հաջորդ անգամ գուցե միանամ մարզումներին»,- լրագրողների հետ զրույցում ասաց Արթուր Ալեքսանյանը:
Աշոտ ՀԱԿՈԲՅԱՆ
