Հոկտեմբերի 12-ին հոլիվուդյան աշխարհահռչակ դերասան Ջոն Մալկովիչն այցելել է «Թումո» ստեղծարար տեխնոլոգիաների կենտրոն: «Թումոյի» սաները մուտքի մոտ հյուրին դիմավորեցին նրան պատկերող դիմակներով (նմանատիպ դիմակներ առկա էին նաև «Լինել Ջոն Մալկովիչ» ֆիլմի ազդագրի վրա):
Դերասանը շրջեց «Թումոյի» սրահներում, ծանոթացավ կենտրոնի կրթական ծրագրերին: Այցելության ընթացքում «Թումոյի» «Թմբա-թա» խումբը լեգենդար դերասանին նվիրեց գեղեցիկ երաժշտական կատարում։ Մալկովիչը զրուցեց նաև երեխաների հետ, պատասխանեց նրանց հարցերին:
Մամուլի հաղորդագրություն
