Օշինդրն ու նրանից ստացվող պատրաստուկներն օժտված են ախորժաբեր, ստամոքսի հյութազատությունը դրդող, լեղամուղ, ենթաստամոքսային գեղձի գործունեությունը խթանող, հակամանրէային, հակաբորբոքային, հակախոցային, հակաճիճվային ազդեցությամբ: Կիրառվում է անորեքսիայի՝ ախորժակի բացակայության, մարսողության խանգարումների, հիպոցիդ գաստրիտների՝ ցածր թթվայնության ստամոքսաբորբի, ճիճվային ինվազիաների, լեղուղիների դիսկինեզիաների (շարժողունակության խանգարումներ, լեղու կանգ¤ ժամանակ:
Ստամոքս-աղիքային գործունեության խանգարումների, լեղուղիների դիսկինեզիայի ժամանակ անհրաժեշտ է 1 ճաշի գդալ մանրացված բույսին ավելացնել 2 բաժակ եռման ջուր, թրմել 30 րոպե, քամել: Ընդունել 1/4 բաժակ՝ օրը 3 անգամ՝ ուտելուց 30 րոպե առաջ:
Որպես հակաճիճվային միջոց կարող եք պատրաստել հետեւյալ եփուկը. 1 թեյի գդալ մանրացված բույսին ավելացնել 2 բաժակ եռման ջուր, թրմել 20 րոպե, քամել: Ընդունել 3 ճաշի գդալ՝ առավոտյան, սոված փորին եւ երեկոյան քնելուց առաջ, 10 օրվա ընթացքում:
Ենթաստամոքսային գեղձի գործունեության խանգարումների (հյութազատության նվազում, ֆերմենտների քանակի նվազում¤ ժամանակ 2 ճաշի գդալ բույսին ավելացնել 1 բաժակ եռման ջուր, տաքացնել ջրաբաղնիքի վրա 15 րոպե, սառեցնել սենյակային ջերմաստիճանում 45 րոպե, քամել: Ստացված ջրաթուրմի ծավալը եռման ջրով հասցնել սկզբնականին: Ընդունել 1/4 բաժակ՝ օրը 3 անգամ՝ ուտելուց 30 րոպե առաջ:
Որպես ախորժաբեր, ցածր թթվայնության գաստրիտների՝ ստամոքսաբորբի դեպքում 10 գրամ բույսին ավելացնել 50 միլիլիտր 70 տոկոսանոց սպիրտ, թրմել 2 շաբաթ մութ տեղում՝ պարբերաբար խառնելով, քամել: Ընդունել 15-20 կաթիլ՝ օրը 3 անգամ՝ ուտելուց 30 րոպե առաջ:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
12.10.2017
