Վերջին շրջանում բուռն քննարկումների տեղիք տվեց ՀՀ կրթության և գիտության նախարարության կողմից մշակված ռուսաց լեզվի դասավանդման հայեցակարգը: Դրանով առաջարկվում է միջնակարգ ընդհանուր հանրակրթության պետական կրթական չափորոշիչներում վերանայել և մանրամասնել «Ռուսաց լեզու» առարկայի բովանդակային պահանջները, ավագ դպրոցում մի շարք առարկաներից որոշ թեմաների՝ հայերենին զուգահեռ դասավանդում: Նախատեսվում է նաև ռուսաց լեզվի խորացված ուսուցմամբ դպրոցների և դասարանների (ինչպես նաև ռուսերենով ուսուցմամբ դասարանների) թվի ավելացման նպատակահարմարության որոշման համար մշտադիտարկման անցկացում:
Հայեցակարգում նշվում է նաև ռուսաց լեզվի ուսուցիչների վերապատրաստման, լրացուցիչ մասնագիտական կրթության համակարգի կատարելագործման, կրթության առանձնահատուկ կարիք ունեցող երեխաների (լսողության, տեսողության և այլ խնդիրներով)՝ ռուսաց լեզվի ուսուցման համար հատուկ ծրագրերի, ուսումնական նյութերի, անհրաժեշտ տեխնիկական միջոցների ապահովման և այլ հարցեր:
Փաստաթուղթը միանշանակ չընկալվեց հասարակության կողմից. մարդիկ տարբեր կերպ մեկնաբանեցին այն: Պարզելու համար, թե քաղաքացիներն ինչքանով են ծանոթ հայեցակարգին և ինչ կարծիք ունեն դրա մասին, անցկացրել ենք փոքրիկ հարցում: Մանրամասները՝ տեսանյութում:
Թամարա ԳԱՍՊԱՐՅԱՆ
