Եվրոպայի խորհրդի խորհրդարանական վեհաժողովը (ԵԽԽՎ) «լուրջ խնդիրներ» է մատնանշել Եվրոպայի խորհրդի 5 անդամ երկրներում, այդ թվում` Թուրքիայում, օրենքի գերակայության ոլորտում: Այս մասին ասվում է ԵԽԽՎ կայքում:
Հիմնվելով Բեռնդ Ֆաբրիտիուսի (Գերմանիա) զեկույցի վրա՝ ԵԽԽՎ-ն նշել է, որ մանրամասն ուսումնասիրվել է այդ բնագավառումի տիրող իրավիճակը Թուրքիայում, Ռումինիայում, Լեհաստանում, Մոլդովայում և Բուլղարիայում:
Նշվում է, որ խնդիրները կապված են մասնավորապես կոռուպցիայի, ինչպես նաև այդ երկրներում «դատական համակարգի անկախության և իշխանությունների տարանջատման սկզբունքների» հետ, քանի որ հիմնականում փորձ է արվում քաղաքականացնել դատական խորհուրդները և դատարանները, հեռացնել դատավորներին և դատախազներին և սահմանափակել խորհրդարանականների օրենսդրական իշխանությունը:
Պատրաստեց՝ Վիկտորյա ԱՆԴՐԵԱՍՅԱՆԸ
