ՀՀ վարչապետի մամուլի քարտուղար Արամ Արարատյանն Մեդիամաքսի խնդրանքով մեկնաբանել է Զարուհի Փոստանջյանի վերջին հայտարարությունները:
«Նշված տարածքի սեփականատերը հանդիսանում է վարչապետ Կարեն Կարապետյանի եղբայրը՝ Վլադիմիր Կարապետյանը: Նա 2011 թվականին գնել է հարակից երեք հողատարածք՝ Կանադայի, ԱՄՆ քաղաքացիներից, ինչպես նաեւ «Հայրենիք-Սփյուռք» հասարակական կազմակերպության ներկայացուցչից: Բոլոր հողատարածքները ձեռք են բերվել երկրորդական շուկայից:
2014թ. մայիսի 30-ից՝ Երեւանի քաղաքապետարանից համապատասխան թույլտվություն ստանալուց հետո, նշված տարածքներում մեկնարկել են շինարարական աշխատանքները: Այդ ժամանակահատվածում Կարեն Կարապետյանը Հայաստանում որևէ պաշտոն չի զբաղեցրել և աշխատել է Մոսկվայում:
Երբ տարածքը գնվել է Կարեն Կարապետյանի ընտանիքի կողմից, այնտեղ որեւէ կանաչ տարածք չի եղել՝ այդ թվում նաեւ 1990-ականների էներգետիկ ճգնաժամի հետեւանքով: 2014թ.-ից ի վեր նշված տարածքում եւ հարեւանությամբ տնկվել են բազմաթիվ ծառեր», – Մեդիամաքսին ասել է վարչապետի մամուլի քարտուղարը:
Նյութն ամբողջությամբ՝ սկզբնաղբյուր կայքում
